Edición 2022/2023

Todos os proxectos seleccionados optan ao premio VENTURA, outorgado por un xurado internacional e consistente en 10.000 €.

O premio consiste nunha semana de servizos de mestura de son en 5.1.

Cinemar Films é un dos estudos de referencia en Europa. Homologado por Dolby e deseñado polo prestixioso enxeñeiro Philip Newell, está equipado con tecnoloxía de vangarda e instalacións con excepcionais condicións acústicas onde se poden realizar os procesos completos de gravación e postproducción de son para cinema e televisión.

O premio consiste en 20 horas de traballo en efectos visuais: Borrados, retoques dixitais, integracións, composicións, melloras etc., adaptándose ás necesidades do proxecto gañador.

Cormoran VFX participou, entre outros, en proxectos audiovisuais como 42 Segundos, Codigo Emperador, Alba (Atresmedia), Rapa (Movistar), Augaseca (Netflix), Eles Transportan a Morte, Cuñados, 3 Camiños (Amazon Prime).

O premio consiste na creación dun DCP (2K/4K) segundo a norma DCI. Inclúe disco duro e maletín pelicase, recoñecemento íntegro de DCP na sala Cinema NUMAX e deliveries: Prores (5.1 + 2.0), H264 con subtítulos incrustados.

Laboratorio NUMAX conta cunha ampla experiencia na creación e edición de DCP’s para exhibición en salas, así como na codificación segundo as especificacións técnicas das plataformas televisivas e VOD.

NUMAX é unha cooperativa de traballo que ofrece servizos integrais de produción, postprodución de vídeo e conta cunha sala de cinema e unha librería de literatura, arte e pensamento.

O premio consiste nunha bolsa para participar no próximo seminario Doc's Kingdom, no contexto de Dear Doc Fellowship Program.

O seminario internacional de cinema Doc’s Kingdom, reúne anualmente a unha comunidade internacional de 100 participantes para un encontro intensivo de sesións e debates en presenza de 10 cineastas invitados.

Incorporación da película gañadora ao catálogo de Atalante (dereitos para o territorio español) e un compromiso de investimento mínimo en P&A de 15 000 € por parte da distribuidora.

Atalante é unha distribuidora cinematográfica especializada en películas de cinema independente e de autor contemporáneo e unha especial atención a novos cineastas e as súas primeiras longametraxes.

O premio de distribución Filmgarten consiste nun acordo de distribución para o territorio austríaco: inclúe salas de cinema e outros espazos, así como T/SVOD.

Filmgarten leva cada ano unha pequena e coidada selección de películas ás salas de cinema austríacas.