Nora Phillipe

Nora Philippe é a directora de EURODOC, o laboratorio de formación para directores de cinema documental. É tamén unha cineasta, produtora e programadora que dedicou a súa carreira incesantemente ao cinema documental. Realizou películas por todo o mundo que contaron con distribución internacional entre as que destacan Restitution? (ARTE/TV5, 2021, CPH:DOX), Like Dolls, I’ll Rise (2018), Job Center, Please Hang on! (Estrea en salas comerciais, 2014), The Ensorcery of James Ensor (ARTE/RTBF/VRT, 2011). Como produtora independente en 2012 fundou a súa propia compañía Les films de l’air. Como programadora realizou programas e conferencias para Columbia University, Institut français, Cité internationale des arts e Maison rouge. Tamén dá clases de realización documental en varias escolas de cinema e arte como SciencesPo, Ecole des Arts Décoratifs.